Өлеңдер ✍️
Өлеңдер ✍️
23.05.2022
108
Жүрек толқуы
«А»-дегеннен көмекейің көрінер,
Ағыл-тегіл сөздерің де төгілер.
Жастық шақтан мен алыстау жүрсем де
Әрбір саққа көңіл шіркін бөлінер.
Толқып кеуде буырқанып басылар,
Түсі игіге көңіл құлап ашылар.
Дүбіріне қосылардай жарыстың
Ие бермей сорлы жүрек ашынар.
Ашынады жүрегім, ашынады,
Арнасынан аспады, тасымады.
Бірақ өзің қиялай өткеніңде,
Бұлқынып қап, жұлқынып басылады.
Әлеуметтік желілерде бөлісіңіз:
Facebook | VK | WhatsApp | Telegram | Twitter