Өлеңдер ✍️

Ғұмыр бойы ұстаз болу оңай ма,
Жаман болсаң шәкірттерің жолай ма.
Оқушының ой-санасын баптаған,
Ұстаз жолы үлгі-өнеге талайға.
Ұстаз жолы нұрын шашқан молынан,
Ғылымменен осы жолда жолығар.
Бағы бар ғой алып жүрген шәкірттің,
Білім дәмін ұстазының қолынан.
Ұстаздық жол – Құс жолына ұқсайды,
Бағыт беріп, арманыңа нұсқайды.
Ұстаз салған осы жолдан сан шәкірт,
Білім жинап, біліктігін ұштайды.
Ұстаздық жол – қиындардың қиыны,
Ұстаздық ой – білім, ғылым жиыны.
Шәкірт үшін шын берілген адамға,
Еңбегінің бола қоймас тынымы.
Шәкірттердің ұстазына жазы көп,
Ұстаздардың маңдайында әжім көп.
Өмір бойы жалықпайтын ұстазды,
БӘЙТЕРЕК деп атамасқа лажың жоқ.