Өлеңдер ✍️

Аналар, қыз-келіншек, қарындастар,
Құпия, тіршілікпен тамырластар!
Сендер мәңгі көктемді көктем етіп,
Жалғастырып жүрсіңдер жаңылмастан.
Сендер барда өмірдің қызуы бар,
Сендер барда жүректің жылуы бар.
Сендерсіңдер байлығы Алашымның,
Баяны бар, Жібектей сұлуы бар.
Талай ару арамызда ән айтып,
Ақ бастардың ақ шаштарын азайтып,
Қандай жақсы жүргендері қыздардың,
Еркелеп кеп, мына бізге наз айтып.
Сендер мәңгі махаббаттың бұлағы,
Өмір бойы нәрлендіріп тұрады.
Көңілімді алуан күйге тербеткен,
Сендер салған махаббаттың жыр-әні.