👈 қаріп өлшемі 👉

  Өлеңдер ✍️

  23.05.2022
  32


Автор: Әбубәкір Қайран

Сәйгүлік

«Күйсіз күлік жүгірмес» –
Дейді аталар неліктен?
Күлік – жылқы сүрінбес
Тау мен тастан, еңістен.
Нағыз күлік – сай күлік,
Сөздің бұл бір көнесі.
Дейміз қазір сәйгүлік,
Бұл – жылқының төресі.
Күйсіз күлік сорлайды,
Бабын тауып бақпаса.
Жұлдыздай боп самғайды,
Нағыз жігіт баптаса.
Бұдан асқан ғажап жоқ –
Армандамас қай жігіт!?
Азамат боп, қазақ боп,
Астыңа мін сәйгүлік!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы