Өлеңдер ✍️
  23.05.2022
  103

Автор: Әбубәкір Қайран

Жердің жайлап төсегін...

Жердің жайлап төсегін,
Бұлт түнеп, күн жауған.
Қурай желдің өсегін
Шаршамады тыңдаудан.
Бозбас бұлт тау асып,
Түн жамылып ол кетер.
Адал жолдан адасып,
Сөйлеп жатыр жел бекер.
Бекер дейміз... Бекер ме?
Бұлтты алға салды жел.
Өксіп бұлт кетерде,
Бетін басып қалды жер...
Күрсінеді көк шыбық,
Жерге бұлт қонбаса,
Кетер еді көк шығып,
Өсекші жел болмаса.


  жер төсек Әбубәкір Қайран Әбубәкір Қайран өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Мен және жер ᐈ
  Қиылған жоқ арыстанның тырнағы... ᐈ
  Қасқыр ᐈ
  Элегия ᐈ
  Қайраты кем пенделер ᐈ

Пікір жазу