Өлеңдер ✍️

  22.05.2022
  112


Автор: Әбубәкір Қайран

Кеше құстар көктем тойын тойлады-ай...

Кеше құстар көктем тойын тойлады-ай,
Ертең тағы қар жауарын ойламай.
Міне, бүгін қар құйып тұр аспаннан,
Мынау өзі қалай болды, ой бәлі-ай!
Тыныш еді-ау...
Бүріседі-ау құстарым!
Құдай-екем көпсінді ме ұшқанын?
Жаңбыр менен қар аралас төгіп түр,
Қалдырмады-ау қоналқалық тұстарын!
Құспен ойнап қуанып ед сал терек,
Бүршіктері Күн-Анаға еркелеп.
Сулы қарды көтере алмай сыңсыған,
Құлап түсті анау алып бәйтерек.
Ең соңғы рет беріп жатыр қыс ақпар,
Сатыр-сұтыр сынып жатыр бұтақтар.
Күңіренген үнге толмаса екен де,
Кеше ғана гүлге толған құшақтар.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу