👈 қаріп өлшемі 👉

  Өлеңдер ✍️

  22.05.2022
  33


Автор: Серік Әбіл

ПАРТАЛАСЫМ

Тосып тұр алдымызда қаншама сын,
Кезерміз кең өлкенің сан-саласын.
Айдында бірге жүзген аққулар ек,
Қонарсың қайда барып, парталасым?
Бал дəурен күнін кімдер аңсамасын,
Шолпанмен бір көруші ек таң сағасын.
Гүлі едік, бір бақшаның жыры едік біз,
Тартарсың қайдан тамыр, парталасым?
Шалдығып үйренуден шаршағасын,
Сен кейде сағынышты əн саласың.
Сол үнің құлағымнан кетпеген соң,
Осы əнді айтып жүрмін, парталасым.
Білмеймін кімге үміт арталасың,
Білмеймін ертең қандай жар табасың.
Мектептің бірге өткіздік жанталасын,
Аман бол, қайда жүрсең, парталасым.
Парталасым!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы