Өлеңдер ✍️

  22.05.2022
  83


Автор: Әбубәкір Қайран

Әрбір, әрбір жеңістерін тәнімнің...

Әрбір, әрбір жеңістерін тәнімнің,
Мойындамай қоюға мен әзірмін.
Басымды исем,
Ол жеңісім қылыш боп,
Қиып түсер қайырмасын әнімнің,
Қиып түсер жалғыз гүлін жанымның.
Шабуылын салған кезде бұл тәнім,
Ұясынан ұша алмайды сұңқарым.
Шынымды айтсам.
Арпалыскан арыма
Ол кездері өзім-дағы ұрсамын.
Арды байлап,
Тәнге ерік бергенде,
Шіркін, адам айуандығын сезген бе?!
Құлайды олар биігінен құлдилап,
Арын тәні мәңгілікке жеңгенде.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу