Өлеңдер ✍️

  22.05.2022
  115


Автор: Әбубәкір Қайран

Ақ жусан

Жусан. Жусан.
Ақ жусан, иісің қандай?
Сылқым емес,
Сыршылдау сиқың бардай.
Жұпарынды жұта алмай
Жүрмін қазір,
Содан болар тұрамын ұйқым қанбай.
Шырылдауық торғайың
Шырқынды алмай,
Қалды-ау, шіркін, керемет жыр тыңдалмай.
Ол күн қандай, айтшы өзің,
Бүл күн қандай,
Саған қарай жүрегім жұлқынғандай.
Жұпарым-ау,
Сен барда қараппын ба,
Қараппын ба көркіне абаттың да.
Сағынумен келіп ем
Салып ұрып,
Қалыпсың ғой қатігез қар астында.
Асап едім сол қарды,
Ғашық иіс
Кернеп кетті кеудемді...
Ғажап мүнда!
Маған деген махаббат, сағынышты
Құрта алмапты құрығы азаптың да..
Құмарымды қалдырып қар астында,
Берілем-ау тағы да азап – мұңға.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу