Өлеңдер ✍️

  22.05.2022
  152


Автор: Әбубәкір Қайран

Жел өтіндегі жетім қыз

Қиын ғой өлең деген,
Қиын білем.
Қиын деп неге өзімді күйіндірем.
Кейде мен керемет бір ойларымды
Қиялдың ханшасындай киіндірем.
Жетім қыз жел өтінде желеңдеген,
Ойы бар қай адамның көрем деген.
Сұлу қыз сұрп асылға оранғанда,
Қай көңіл құмарлыққа бөленбеген.
Қыздарын әрбір адам «сұлу» дейді,
Пұшыкпен қысықтары білінбейді.
Білсе де білдіртпеуге тырысады –
Жылтырақ, жібектерін жыл іздейді.
Жетім қыз жел өтінде желбіреген,
Жеріне жетпей жүрген ол бір өлең.
Өміршең, өлмейтұғын махаббаты
Мұң тұнған көзінде тұр мөлдіреген.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу