Өлеңдер ✍️

  22.05.2022
  107


Автор: Әбубәкір Қайран

Жабайы гүл

Жабайы гүл.
Атағы оның – жабайы.
Жабайы гүл.
Шатағы оның – жабайы.
Жабайының
анасы – күн арайы.
Жабайының
панасы – жер сарайы.
Жабайы гүл әкеп берсең жарыңа
Көрінеді неге бірақ анайы?
Оның мәні емес сірә ажарда,
Оның мәні – сатылмайды базарда.
Жабайы гүл үй гүлінен бөлек шын,
Мандайынан сипамаған оны ешкім.
Күн нұрынан,
Жер нәрінен ол өсті,
Басқаларға ол тәуелді емес-ті.
Міне, досым,
Жабайы гүл – жабайы.
Жаңбыр, желдің құшағында бар айы.
Өзді-езімен еркелесіп өтетін
Өмірі оның –
Жұбайлардың бал айы.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу