Өлеңдер ✍️

Бозторғайлар ән салуын қоймас та,
Ұя салған көк шалғыннан өрт алмай.
Менің көзім туған жерге тоймас та,
Бақи дүние мезгілінен ерте алмай.
Бозторғайлар жолаушыдан қалмас та,
Еріккен бір мерген оғы тимесе.
Менің тілім жырлаудан бір талмас та,
Ыстық ұрттап аузым бір күн күймесе.
Бозторғайлар мың жыл бойы ән салар,
Көктемі бар, көк шөбі бар жер барда.
Менің жаным лаулап күнге қарсы ағар,
Қазақ жырын ұға білер ел барда.