Өлеңдер ✍️

  22.05.2022
  98


Автор: Сəбит Бексейіт

Жанарыммен жаһан жүзін аймалап...

Микроәлем,
Макроәлем,
Мегаәлем,
Мол жұмбағын білмей тұрып неге өлем?
Жанарыммен жаһан жүзін аймалап,
Жыршысы боп жазсам деп ем көп өлең...
Пенделердің сорлысы мен байғұсы,
Тұрар дәйім ант-сертінен тайғысы.
Күнәсінен арылмасын білген соң,
Келер тіпті «құдай жоқ!» деп айтқысы.
Тоғышар боп тірлік кешсек пендеше,
Топастандық ақыл-ойдан кендеше.
Иман да жоқ, егер Құдай жоқ болса,
Үміт те жоқ.
Мен де жоқпын ендеше!
Бір Аллаһ қой, қателікті жөндесе,
Бір Аллаһ қой, күнәһәрді тергесе,
Бір Аллаһ қой, күркіретіп жер-көкті,
Ақ семсерін найзағай ғып сермесе!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу