Өлеңдер ✍️

  22.05.2022
  84


Автор: Сəбит Бексейіт

Тіршілік

Нұрын төге бастағаннан Күн шығып,
ерен істі еңсерем деп құлшынып,
жалаулатып,
жұрттан озып дүр шығып,
болмағанды болды-мыс деп жыр қылып,
бақты жайлап екпесе де бір шыбық, –
Гүл өмірге тұрса біреу тұшынып,
көп қызығар,
көп талпынар үздігіп,
осы болар
әні – шаттық,
дәмі тәтті Тіршілік?..
Іс мандымай, жұмыс жүрмей қырсығып,
еңсе түсіп, көңіл жүдеп, жүз сынып,
атқан таңмен,
батқан күнмен күрсініп,
кеуде құрғыр ауа жетпей қысылып,
бас айналып, жүрек лоблып, тұншығып, –
Тұл өмірден тұрса біреу түршігіп,
жұрт безінер,
жұрт шошынар үрпиіп,
осы емес пе
қарама-қайшы,
дәмі ащы Тіршілік?!..




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу