Өлеңдер ✍️

Қайырлы таң,
Кеншілерім жаны игі!
Қара алтыннан
Әр күн сайын тау үйдің.
Сан мыңдаған тұрғын халық ішінен,
Өздеріңді
Көздеріңнен танимын.
Сендерсіңдер – жарыққа іңкәр жарандар,
Қарақат көз,
Мойыл көз бар араңда.
Кірпіктерің қою қара бәріңнің, –
Бір-біріңе жылы ұшырап қараңдар!
Ақ құбаң бар,
Қара торың,
Сарың бар,
Бәріңе ортақ намысың бар, арың бар.
Шырақ-мейір тұнған көзде шуақ бар,
Алмас жігер тұнған жүзде жалын бар!
Қатарыңа қосылсын кеп түлек мың,
Қарымыңа тілеймін тек ұлы екпін.
Қара кірпік кеншілерім,
Іске сәт,
Шыңырауды шуақты етсін Жүрек-күн!