Өлеңдер ✍️

  21.05.2022
  96


Автор: Исламғали ҮРКІМБАЙҰЛЫ

Наурыз келді...

Жылылықты жетелеп,
көтем нұрын мәпелеп.
Наурызым келдің бе!
Таңмен бірге ертелеп,
үт сәулесі еркелеп,
Құшағыма ендің бе.
Аязға бет қарылып,
сені күттім сағынып,
Әз Наурыз, армысың!
Жанғандай боп бар үміт,
күншуаққа малынып,
Құт көктемім бармысың!
Сағындым ғой құстарды,
ақын едім құс-жанды.
Сайра сандуғаштарым.
Жаным оған құштар-ды,
қиялыммен ұшқам-ды,
Қайда қарлығаштарым!
Ұзынсары келген бе,
наурыз көже бергенде,
Ішсең, қарның тоймайды.
Кимешекті аналар,
мәре-сәре балалар,
асық атып ойнайды.
Қызыр бабам келіп тұр,
ақ батасын беріп тұр –
Думан болсын бар айым!
Өкпе-нала болмасын,
Тәңірім көктен қолдасын,
Әумиін! – дейік ағайын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу