Өлеңдер ✍️

  21.05.2022
  106


Автор: Дәурен Берікқажыұлы

Экспромт

Ақыр соңы ақкөңіл ажалға да –
Аждаһадай бұл неткен, тажал қала!
Тұрғындарын жинайтын мешіт емес,
Шіркеу емес...
тек қана базар ғана!
Атыменен ілінер назарға да
Атлантида емес бұл,
ғазал жаңа!
Бұл қалада өлгендер жерленбейді
Ақы-пұлсыз
ақыры мазарға да.
Алтын басын көтеріп азар ғана
Алатау тұр...
алмайды ажарлана!
Аппақ әлем таба алмай
алқынады
Ақ параққа өлеңін
жазар бала...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу