👈 қаріп өлшемі 👉

  Өлеңдер ✍️

  21.05.2022
  37


Автор: Дәурен Берікқажыұлы

Арыз

Ашынғаннан емес,
Тасынғаннан да болар бәлкім бұл –
Алтын басыңды
Әурелеп кетсе әркім бір?!
Арманымды ұқпас
Ақымақтардан арылмай,
Қасарып қалғыр
Қабағымда бүгін салқын жүр.
Күйігін тартса
Күрсініс толы көмейім,
Жүрегі жоққа
Жүрегімменен не дейін?..
Көрсоқырлардан
Көңілім қалып мен енді
Көкбөрі құсап
Көкке бір ұлып көрейін.
Қиялым қуып
Жүргеніменен мың елес,
Ақымақ емен
Ақымда ғана кірер ес.
Ақиқатты айтар
Ақындар үшін, алайда,
Өмір дегенің
Өксіктен басқа түк емес!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы