Өлеңдер ✍️
  20.05.2022
  134

Автор: Несіпбек Айтұлы

Патша сүйген құл -залым

Ей, жігітім, именбе
Қанат ұшы күйгенге.
Әділеттің басына
Қиянат кеп сигенге.
Көне берме отқа сап,
Тобылғыдай игенге.
Төбесінен жай түсір,
Табанында иленбе!
Назаланып қайтесің
Қу тіршілік күйбеңге.
Дүние кетпес осымен,
Айналаңнан жиренбе!
Алақтайды тажал да
Ажал қабақ түйгенде.
Патша сүйген құл – залым,
Сүйен Алла сүйгенге!..


  залым құл патша сүю Несіпбек Айтұлы өлеңдері Несіпбек Айтұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Тойда ᐈ
  Асуға көз жіберсем ᐈ
  Зоопаркте ᐈ
  Көргеннің бәрі қызық ᐈ
  Алдай сал ᐈ

Пікір жазу