Өлеңдер ✍️
  20.05.2022
  97

Автор: Несіпбек Айтұлы

Аумаймын мен де...

Мазамды алма сен менің,
Ерігіп жүрген шығарсың.
Өкініш толы кеуденің
Өксігін қайдан ұғарсың?
Дауылға кеуде тоспасаң,
Денеңді суық қарымас.
Тау асып, тасты баспасаң,
Табаның жерді танымас.
Аумаймын мен де шамасы,
Қойшының мінген атынан.
Шоқтығым жауыр, қарашы,
Сауысқан күнде шоқыған.
Іштегі көңіл жарасы,
Оқылар көздің отынан.
Үңілсе пенде баласы,
Жауырды жаба тоқыған?!


  аумау Несіпбек Айтұлы өлеңдері Несіпбек Айтұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Ұшып келем... ᐈ
  Ел деп жүріп ᐈ
  Қош келдіңдер. бауырлар ᐈ
  Құлпырғанмен кең жаһан ᐈ
  Қазағым ᐈ

Пікір жазу