Өлеңдер ✍️

Небір қилы кешіріп зұлматты мың,
Жанарларды қаншама құрғатты мұң.
Етігімен от кешкен қыңыр дәурен
Өте шықты пойыздай зырлап бүгін..
Қазақ – тарих намысын ұштап өткен,
Ұрпақтардың бүгінін ұстам еткен.
Жауыз жоңғар, келеңсіз Кеңестің де
Бола алмаған білеміз қыспағы өктем.
Заман- дауыл сан саққа жөнетсе де,
Өз несібін «сүйрелеп» ел екшеген.
Қазақ – биік ұстады шаңырағын
Сексен сегіз сұрапыл сел өтсе де.
Қазақ – мамыр, гүлдеген ақпандағы
Сан езгіде сыр бермей тапталмады.
Қазақ – деген қобдиша кілті жұмбақ
Ашылмаған әлі де ақтаңдағы...