Өлеңдер ✍️

Қанша жан бар болмаған діттегені,
Жоспарының көп жолда бітпегені.
Күл-талқан боп мақсаты маналардың
Тағдыры кеп тосын сый тіктегені.
Қанша жанын мұң жеген жұрт келеді,
Жайсыз тиген жалғанның жүктегені.
Қу дүниенің тамыры талайларды
Жуан соғып, оңдырмай жықты емені.
Қанша пенде болдырып, бүктеледі,
Қайсы тұрып, фәниден құт тереді.
Сұм сынақтар сындырып сағын көптің
Бұл өмірдің бой бермей жұтты елегі.
Қаншаманың кездесіп күтпегені,
Қойылды кеп қапыда нүктелері...
Махпуз осы меңіреу мұхитына
Жібергенді ескексіз құп көреді.
Бұл – өмірді өзің-ақ ұқ дегені...