Өлеңдер ✍️

Түн-тұмар, Ай-алқа, жыр-жұлдыз,
Сен менің түсімсің алдайтын.
Аспалы бақта анау бір жүрміз
Қайтара бармайтын.
Біздерге қиялым бір кеме,
Ал сендік ой-тілек сан сақта.
Қапаста қалдыр да, «жүр» деме
Сағынтып, сабылтып, шаршат та.
Жарығым, қуатым таусылды,
Өзіңді аңсаудан күш кеміп.
Естимін неліктен даусыңды?
Тек қана түс көріп.
Ай-алқа, жыр-жұлдыз, түн-тұмар,
Сені ойлап кеш күлген күй құрсын.
Мына жыр өзіңе, түртіп ал
...Басқаға оқи сал, сый қылсын!!!