Өлеңдер ✍️
Өлеңдер ✍️
20.05.2022
109
...дедің бе екен?
«Көңілсіздік. Жаралы жүрек бүгін,
Қаралы күн. Дәл мұны тілепті кім?
Мынау тағдыр шаттыққа шырмап тұрып
Қапияда тастады күреп мұңын.
Жансыз-жүрек жай ғана тірі еттімін.
Байланбаған бойдағы ерік қалып,
Сүйдім ғой мен өзіңді өліп-талып.
Мынау өмір сенімен сұлуланып
Ес жинаушы ем алдыңда еріп барып.
Енді маған қара бұлт төніпті анық.
Бақытым деп жүргенде құшқан мұным,
Бой көрсетті қоштасу-«мыстан», бүгін.
Бал шақтарым сәтсіздеу маған сонда
Танытты ма тағы да іш тарлығын?
Қонбайсың ба қайтадан ұшқан гүлім?
Бұл жалғанда шаттық аз, керім де кем,
Жолдарым-ай адасқан менің бөтен.
Қақ ортада кезіккен жігітті ана
Ұнатуың мен үшін өлімге тең».
Қайран Н-ымай осылай дедің бе екен?...
Әлеуметтік желілерде бөлісіңіз:
Facebook | VK | WhatsApp | Telegram | Twitter