Өлеңдер ✍️

Сағындым сізді...
Өксігімнен үздігіп,
Көктем едім кеттіңіз ғой күз қылып.
Қыр басында қалып қойдым қапы қап,
Тұмарым боп түзгі үміт.
Сіз… сіз жоқсыз, сондықтан ба өңменнен,
Барады өтіп ызғырық.
Дер кезінде ұқпаппын
Енді тұрмын сізді ұғып.
Келмейсіз бе?
Бақта күтем, мұң-серік.
Көңіл құсым жалғыздықты тұр шегіп.
Өткен уақыт еншісіне жазылған
Барасың-ау, күмілжіген күн сөніп.
...Мен тұрмын, келер деп сізді
мың күдік боп, мың сеніп.
Тосқан мынау тағатсыз
Сенімімді кетті қайта түн сөгіп.
Елесіңіз әне, әне
сол бір тұста тағы тұр.
Жете алмадым әттеген-ай
Жел әкетті қағытып.
Таңдайымда тұрап қалған
өксік жібі ағытыл.
...Түсінбеймін, қаптап неге кеттіңіз?
Сағыныштың қамытын.
Тереземді қақты міне, тағы түн
Ұзақ болып кеткен бе?
Ататұғын ертеңгінің таңы тым.
Сағындым сізді...
Түсіп кетіп қиыры жоқ тереңге.
Елесіңізге ерем де...
Жасырынасыз
Өзгеден бе, менен бе?
Айқайлаймын атыңызды
Сіздік құлақ керең бе?
Бейнеңізге ұшыраспай бетпе-бет
Қалам тағы...
Қайтем енді, көнем де.
Бойлап алып жүрегімді шағын мұң
Күндер жылжып өте берер ағыла
Сізді ойлаймын тағы да...
Сағындым…