Өлеңдер ✍️

Үнсіз кеттің өзіңнен жоқ хабар да,
Жел көңілің маған кеп тоқталар ма?
Жүрегіңді қақпанға түсіретін
Жолда Баян білемін көп Қамар да.
Сымтетік те сыр күтіп «дір» етпеді,
Жанарыма сағыныш гүл еккені.
Маған жетем дегенде қағып жолда
Кетті ме екен Жайықтың Жібектері?
«Бара ма?» деп, «сезімің жанса, әріге»,
Қорқып жүрем деп «бір шоқ қалса, әлі де...»
Қорқыныш пен сол толқынысымды
Хатың келген өшірді таң сәріде...