Өлеңдер ✍️

  20.05.2022
  104


Автор: Мөлдір Дарханбаева

Жаным сыздайды...

Жаным сыздайды,
Сен неге ойламайсың мына мені?
Бір ғаріптің ішінде жүр әлегі.
Құрығанда салмадың көз қырыңды
Қимадың ғой сөзіңді бір әдемі...
Жаптың жаным иыққа сын шекпенін,
(Түн бойы Айға әйнектен сыр шертемін).
Қиялымнан өзіңді жіберер ем
Бақытты өмір сол жанмен сүрсең керім.
Басқаға бұрыла алмай,
Қазір келіп сен мені ұғынардай.
Күтіп жүрем үмітке үкі тағып,
Тағдырымның дәл сондай күні бардай.
Жаным сыздайды,
Суық ұрып кеткендей тамырымды.
Ертеңгі күн атады-ау тағы мұңлы.
Махаббаттың бір күні моласында
Сипап қалма мезгілсіз қабірімді...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу