Өлеңдер ✍️

  20.05.2022
  130


Автор: Дәулеткерей Кәпұлы

Ата-бабамның ой тұрағындай...

Ата-бабамның ой тұрағындай,
Атақонысым аяулым екен.
Байтақ даламның бойтұмарындай –
Баянауылым баянды мекен.
Жұпарын жұтсаң, құмарланасың,
Сан бұлбұлдары сайрар алдыңа.
Жасыбай көлдің жұмақ жағасын,
Ғұмырыңда бір жайламау – күнә!
Ежелден бағын Ертісім бағып,
Асқақ қарайтын ақын кейпіндей.
Әулиебұлақ шолпысын қағып,
Әлемді түгел әтірлейтіндей.
Болашағыма үлгі ап барайын,
Аят-дұғамда – аяулы күбір.
Баянауылмен бір мақтанайын,
Бәріңе тілеп баянды ғұмыр!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу