Өлеңдер ✍️

  20.05.2022
  411


Автор: Дәулеткерей Кәпұлы

Көркің ғажап-ақ, көркем дүние...

Көркің ғажап-ақ, көркем дүние,
Жарқын болмасаң сені сүрмеймін.
еркімде емессің,… ертең кім ие
боларын білмеймін
Бір анық білерім – көңілім көк тірер,
Көк аспан әлемі – әдемі сарайсың.
Жаныма жақұтын сепкілер ,
таңдағы арайсың.
Арайлы аспанға жанарым тігіліп,
Тұтанам түнектің отынан.
Жұлдыздар алдында жүгініп,
омалып отырам.
Қабарған қара түн қақырап,
Түнектің етегін түремін.
Үзіліп түскенде жапырақ,
Кіжініп күлемін!
... ай, жүрегім!!!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу