Өлеңдер ✍️

Тәңірден жарық нұр тілеп едім,
Аруды көріп ақмаңдай.
Арбалып қалдым күлкіңе керім,
Күміс қоңырау қаққандай.
Сыр шашып терең сыңғыр қағысың,
Көркіңмен әсем көзге ұрдың.
Сағынып жүріп бұлбұл дауысын,
Сәуірде сені кез қылдым.
Ететін жан ем азға қанағат,
Сезімсіз жалған көріксіз.
Еркелей күліп, наздана қарап,
Еркімді алдың еріксіз.
Арымдай аппақ арманға балап,
Үлбіреп еді үмітім.
Арманым қағып таңдарға қанат,
Күлкіңді күттім күні-түн.