Өлеңдер ✍️

Қалып қойған қиянда бір аралдай,
Көкжиектен көзімді тұрам алмай.
Өзіме-өзім жұмбақпын...әлі күнге
Жібі түзу бір жинақ шығара алмай!
Әкім болса бір ағам,бір ағам-бай,
Қарасу да татырмас бірақ,алла-ай,
Қадір-қасиет қалсын ба ақыныңда
Өзі мұндай болғанда,жыры анандай!
Бірдеңелер бердім-ау елге мен де,
Есіл-дертім,әйтеуір болды өлеңде!
Топырағы аралдың құрылыққа
Қосылады –теңіздер шөлдегенде!
Жапан түзде жалғыздық мұңы меңдеп,
Көкжиекке үмітпен үңілем көп.
Көк жүзіне кеудемнен сүрлеу түсер,
Қауышармын таумен де түбі мен деп!