Өлеңдер ✍️
  19.05.2022
  78

Автор: Баймаханбет АХМЕТ

Мен туған жерде биыл да

Мен туған жерде биыл да
Гүлдеп тұр адыраспандар.
Бұлғайды қолын қиырдан
Еңсесі биік ақ шаңдар.
Ажырық-арық ернеуі,
Сол маңда жатыр қой жусап.
Тұщысы менен кермегін
Тел жұмсап, шіркін той қылсақ!
Сілтісі жұқты ерніме,
Көңілдің мұңлық боп емі,
Бұрын соң туған жерді де
Мен бұлай сағынбап едім.
Киесін тұрмын кеш біліп,
Сақтасын соны білмеуден.
Кенелі құмнан кешкілік
Күмбірлеп қайтты бұл кеудем


  туған жер Баймаханбет Ахмет Баймаханбет Ахмет өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Тараз ᐈ
  Еліне соғыс емес, иман тілер... ᐈ
  Этюд ᐈ
  Қыбыр етпеген қыс бойы тылсым бақ едің... ᐈ
  Туған үй ᐈ

Пікір жазу