👈 қаріп өлшемі 👉

  Өлеңдер ✍️

  17.05.2022
  120


Автор: Дәуітәлі Стамбекұлы

Күндерім – төбемдегі жұлдыздарым

Күн сайын түнгі аспанға телміремін,
Өзімді есебіме сендіремін.
Қаншама шырағым бар жанып тұрған
Қаншама жұлдыздарым сөнді менің.
Жұлдызды қимасаң да сөнді деуге
Болады өткен түнді өлді деуге.
Күн сайын бір жұлдызым сөніп тұрса,
Қаншама жұлдыз қалды енді менде.
Ол – бақыт қызғанбайтын сенен мені,
Ұйқасқан жолдар сынды өлеңдегі,
Көретін қуанышпен әрбір күнің –
Жұлдызың жанып тұрған төбеңдегі.
Түн сайын түнгі аспанға телміремін,
Өзімді ертеңіме сендіремін.
Жұлдызым біраз менің сөнген екен
Қанша мың жұлдызым бар енді менің.
Ырзамын жұлдызы көп түндеріме,
Олардың қуанышпен күлгеніне.
Қолымды созамын мен төбемдегі
Жұлдыз боп жанып тұрған күндеріме.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы