Өлеңдер ✍️
Өлеңдер ✍️
17.05.2022
75
Бір-ақ сөз
Мазамды алған және де мазақтаған,
Жалғыздықтан тек сонда азат болам.
Жүрегіңнің ең алыс түкпірінен
Жанып шыққан жалғыз сөз қажет маған.
Көздеріңді көзіндей құралайдың,
Қалай ғана орынсыз кінәлаймын.
«Жаным» деген жалғыз бір сөзден басқа
Мен өзіңнен ештеңе сұрамаймын.
Сенің сол бір сөзіңсіз көңіл ала,
Бір сөзіңе сыйып тұр өмір, о да.
Ішімдегі жалынды шығаратын
Соны қисаң болғаны,
Соны ғана.
Әлеуметтік желілерде бөлісіңіз:
Facebook | VK | WhatsApp | Telegram | Twitter