Өлеңдер ✍️
Өлеңдер ✍️
17.05.2022
97
Ғашық болсаң түсінер ең...
Жүрегімен,
Жанының жаңбырымен.
Шуағымен,
Сәулелі жан нұрымен,
Болып еді ынтызар,
Түсінбедің
Қайта оның ойнадың тағдырымен.
Кеудесіне ұйытты көңіл шерін,
Саған деген сәулелі сөнді сенім.
Қуантпадың өзіңді сүйген жанды
Тек мұңайту қолыңнан келді сенің.
Не деп айтам
Сенің де жолыңда мұң
Ұшырасып,
Еске алып соның бәрін
Сен өзің де біреуге ғашық болсаң,
Түсінер ең жаралы оның жанын.
Әлеуметтік желілерде бөлісіңіз:
Facebook | VK | WhatsApp | Telegram | Twitter