Өлеңдер ✍️

  17.05.2022
  85


Автор: Дәуітәлі Стамбекұлы

Бұлт

Терістік жақтан жел тұрып,
Айналса болды дауылға,
Қашатын бұлттар ентігіп,
Ұядай біздің ауылға.
Шарт сынған кезде найзағай,
Шақ қалып байғұс күйреуге,
Көз жасын төгіп баладай,
Қорғалайтын-ды үйлерге.
Сапырса дауыл сабалап,
Түсе алмай тірлік арнаға,
Тығылушы еді паналап,
Жартасқа жатқан малға да...
Секілді көзсіз көбелек,
Ажалына өзі жететін,
Тамшы боп құлап төбеден,
Отқа да түсіп кететін.
Найзағай ойнап шатырлап,
Аспанның асты бір түлеп,
Жауынның бұлты сатырлап,
Құлайды көлге күркіреп.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу