Өлеңдер ✍️

  17.05.2022
  120


Автор: Ғалым Жайлыбай

Кербестінің кекілі

Беу, кербесті еді көргенім,
Ерен де өрен бip жүйрік.
Өлкемнің өpiн,
Белдерін —
Ылди ғып шапқан қылқұйрық.
Күдері жалы төгілген,
Орлардан орғып қарғыған.
Бәйгеге түссе көрінген —
Аламандардың алдынан.
Жараса бүгін бауырынан,
Бақ шабар,
Кейде бап шабар.
Kүміс тер саулап сауырынан
Кекілін тарап ақ самал.
Кербестідейін көңілдер,
Болады кейде құсалы.
Шаң-тозаңдарын жел үрлер
Кекілінде ме нысаны?..
...Егіліп құмдай...
Жыладым,
Тас болып қайта бекідім.
Ақан cepi боп сыладым
Кербесті жырдың, кекілін.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу