Өлеңдер ✍️

Сапардың түсті орайы,
Мөлдіре
Дала қайнары,
Орыстың орман, тоғайы
Ақ қайың, қарағайлары.
Өрнегін өріп өлеңнің,
Дүбірді кештім дүрмекпен.
Көгілдір құстай көгердім
Көгілдір әлем,
Гүл— көктем.
Үмітім үндей үздіккен,
Айыңдай екен деп қалдым.
Көгілдір көзді қыз біткен
Қайыңдай екен деп қалдым.
Жасылдарыңды жан құшып,
Сарғайды санам күзіңдей.
Жапырақтағы таңғы шық — үзілем — дейді,
үзілмей...
Қайраңда қайрылдым мың,
Керім бір кезім,
келгенім.
Қарағай, қайыңдарыңның
Желегін желмен тербедім.
Көңілдің ашып түндігін,
Толғандым,
толдым,
толыстым.
Ормандай ойға сүңгідім
Орманын кезіп орыстың.