Өлеңдер ✍️

  16.05.2022
  92


Автор: Ғалым Жайлыбай

Днепр дәптерінен...

Украина!
Айналайын ардақ ел,
Көңілімде көктем болып қалған ел.
Днепрдің толқынында тербетіп
Ақындарын алақанға салған ел.
Ей, замана!
Адамзатқа бер тыным,
Бауырым бүтін,
Сөгілмесін қолтығым.
Тарас елі Тарас үшін сүйгенде
Ұлы өзеннің толқынындай толқыдым.
Украина!
Қайғы-мұңды кешкен ел,
Орманындай қаулап сосын өскен ел.
...Жұртқа тастап көрген емес «тамырын» —
Қыр қазағы оңды-солды көшкен ел.
Аққу — арман арда халқым арлы, асқақ,
Ей, бауырым, сен де мендей жолдас тап.
...Тарас болсаң дәм-тұзымды ұсынам
Қайғы кешсең Қайсенов боп қол бастап.
Тарас десе,
Көк пен жердің арасы
Тағзым етер байтақ қазақ даласы.
...Украина Тарасымен бақытты
Ұрпағымен бақытты екен Тарасы!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу