Өлеңдер ✍️

Өмірлерін еңбекке арнағандар,
Москваның маңына бармағандар.
Нарық қысқан заманда тарықса да
Несібесін адалдан аулағандар.
МТЗ Беларусты гүрілдетіп
Егін салып, шалғында аунағандар.
Қара жолдың ақ шаңын аспанға атып
Москвичпен салдырлап заулағандар.
Желдіртіп Жигулиді күні-түні
Такси болып қатардан қалмағандар.
Оларды осал ғой деп ойламаңдар
Оңай олжа табатын оңды адамдар,
Ауылда қара қазақ аман болса
Тілек те, тіл де тура жолда болар!