Өлеңдер ✍️

  16.05.2022
  103


Автор: Ақұштап Бақтыгереева‎

Туймаада

Аспанның асты мекенім,
Жаяды құшақ қайда да.
Бәрін де сүйіп өтемін,
Ерекше бірақ Туймаада.
Сүйікті жардың көзімен
Қарайды ол маған елжіреп.
Құстардың әнін сезінем,
Анамдай сүйер жел жібек.
Оралсам шаршап сапардан,
Қанады сонда ұйқың да.
Жетелеп қайта ақ арман,
Қосылып кетем қиқуға.
Бағым да сонда жанғандай,
Ұлым да сонда сай маған.
Махаббат, жастық армандай
Ыстықсың маған, Туймаадам.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу