Өлеңдер ✍️
Өлеңдер ✍️
16.05.2022
146
Көкжалды атты сұр мерген, көкжалды атты...
Көкжалды атты сұр мерген, көкжалды атты,
Арқыраған азуды оқ жалматты.
Кең далада құйрығын бұлғаңдатқан
Қу түлкіден басқаға жол қалмапты.
Емін-еркін жайлаған биік өрді,
Қайтер екен ақбөкен үйірі енді?!
Жас қожайын қоршаған тікен сымнан
Жайылымға кірем деп киік өлді.
Бидай мұртын күн сүйіп жалтылдаған,
Тозаңданып тұрсың-ау, алтын далам.
Құлағымда шырылы бозторғайдың,
Көз алдымда қарғалар қарқылдаған.
Әлеуметтік желілерде бөлісіңіз:
Facebook | VK | WhatsApp | Telegram | Twitter