Өлеңдер ✍️

  16.05.2022
  141


Автор: Ақұштап Бақтыгереева‎

Қалмасын солып гүл-сезім...

Қалмасын солып гүл-сезім,
Аяла мені, асылым,
Алдында тұрған бұл сенің
Баяғы арман – ғашығың.
Ойыңмен орал кейінге,
Көзіңді жүгірт күнге алыс.
Менімен жастар биінде
Билесем деген бір вальс.
Барлығы менің есімде
Бірге өткен күндер өзіңмен.
Оралсаң деймін кешінде
Баяғы албырт сезіммен.
«Әйелдің бірдей барлығы»
Дей көрме маған, ақылдым.
Өзгеден бөлек тағдыры,
Мінезі қиын ақынның.
Жар болсам деген жолдасқа,
Кеудесі толы ізгі арман.
Әйелдің бәрі о баста
Армандай ару қыз болған.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу