Өлеңдер ✍️

  16.05.2022
  175


Автор: Ақұштап Бақтыгереева‎

Жан ана, жайлы ұйқыда жатырмысың?

Жан ана, жайлы ұйқыда жатырмысың?
Жоқ менің сен кеткелі жақын кісім.
Басыңа көк тас қойдым ақ жаулықпен,
Білмеймін еңбегіме бақұлмысың?
Мазарың зәулім емес көк тіреген,
Айқайлап қашатпадым өткір өлең.
Белгісіз туған күнің, бірақ анық
Белгі тұр дүниеден өтті деген.
Қызың жүр бітіре алмай ойдағы істі,
Өнбейтін өлең-жырмен айналысты.
Бұл күнде өлімің де бәсеке, апа,
Қалтаның көлеміне байланысты.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу