Өлеңдер ✍️

  16.05.2022
  107


Автор: Ақұштап Бақтыгереева‎

Аңғармай өң мен түстің не екенін де...

Аңғармай өң мен түстің не екенін де,
Жүрейін бал сезімнің жетегінде.
Сен мені алдарқатып, абайсызда
Алып қаш алыс жолға кетеріңде.
Білдірмей ішкі сырды күліп кел де,
Айтып қой ат әкел деп жігіттерге.
Қыздардың әдеті бар келіспейтін,
Бұлқынсам, сүймейді-ау деп күдіктенбе...
Жоқ, ойым жоқ ондайға көнсем деген,
Алып қашсаң ермеймін өлсем де мен.
Бұл менің жай әншейін қиялым ғой
Жігіттен батыл мінез көрсем деген.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу