Өлеңдер ✍️
Өлеңдер ✍️
16.05.2022
182
Жайықта тағы жас көктем
Көйлегін киіп көгілдір,
Жаяды құшақ жағалау.
Арнаңда асау өмір – гүл,
Ағыспен жылжып барады-ау.
Үстіңмен кеткен күздегі
Қиқулы ән мен не түрлі.
Тырнаның ұзын тізбегі
Қысқарып қайтқан секілді.
Құлаған шығар ұялас,
Қайырылған шығар қанат та.
Тырналар бәлкім жыламас
Қалғанға кірмей санатқа.
Бір басшы көшті бастауда,
Оларда жоқ-ау іштарлық.
Іңкәр-ау құстар аспанға,
Биікке жақсы-ау құштарлық.
Әлеуметтік желілерде бөлісіңіз:
Facebook | VK | WhatsApp | Telegram | Twitter