Өлеңдер ✍️

  16.05.2022
  160


Автор: Ақұштап Бақтыгереева‎

Сабыр, Жайық...

Сабыр, Жайық,
сәл кідір,
сабаңа түс,
Көрсеткенің жөн болмас далаңа күш.
Қамыстардан балапан өргізетін
Қапылыста ұясыз қала ма құс?
Сабыр, Жайық,
өшікпе қайраң құмға,
Ел ертеңін Ана боп ойландың ба?
Өзі кедей, жаны бай диқаныңның
Қуанышын үрейге айналдырма.
Сабыр, Жайық,
басыңнан не кешпедің?
Жараспайды өзіңе өрескел үн.
Өмір сыйлап, тірлікке нәр беруді
Тағдырдан таңдап алған емес пе едің?!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу