Өлеңдер ✍️

Ыстық құм, бойда бар табың,
Жаныма жақын әр талың.
Өзгеге шағын бір көлсің,
Мен үшін айдын Шалқарым.
Шағалаң аппақ самғаған,
Сезімдей саған арнаған.
Жағаңда талай ой кешкен
Тарихи күнмен Хамза ағам.
Өзге үшін аптап жаз айың,
Мен үшін бұл жер наз, ойын.
Тұз көлі – шипа, шөбі – ем
Шап-шағын ауыл Бозайым.
Ыстық құм, бойда бар табың,
Жол түссе-ақ саған тартамын.
Туған жер атты ұғымның
Тамшысы мөлдір – Шалқарым.