Өлеңдер ✍️

Құладың келіп шыраққа,
Қанаты желбір көбелек.
Осындай өлім ұнап па,
Отқа әуес болып не керек?
Жайқалып тұрған гүл деп пе ең
Шырағын шопан шамының.
От алып барып сүймек пе ең
Перінің сайқал аруын.
Болмашы титтей бойыңда
Бір сезім болды-ау керемет.
Әуес боп мұндай ойынға,
Көбелек, саған не керек?
Кеттің-ау жанып, тағы да
Қиялын қозғап ақынның.
Жүректі сезім шоғына
Күйдірген мен де пақырмын.
Сезімге бойды алдырдың,
Өртеніп кеттің, досым-ай.
Қатыгез заңы тағдырдың –
Махаббат заңы осылай.