Өлеңдер ✍️
Өлеңдер ✍️
15.05.2022
114
Енші алу
Енші алды.
Бала-келін көшіп кетті,
Тербеліп көш үстінде бесік кетті.
Өсірген жалғыз ұлды жалғыз ана
Боларын мына жайдың есітпепті.
Кетерін жастар бөлек білмеп еді,
Ол қайтіп енді жалғыз күн көреді?!
Алды-артын аңдамайтын албырт жастар
«Сен де, апа, бізбен бірге жүр» демеді.
Әзірше бейтанысқа мұң шағылмай,
Екі жақ бірін-бірі жүр сағынбай.
Боз үйдің шуағында кемпір отыр
Сәбидің күнде қалған қуыршағындай.
Әлеуметтік желілерде бөлісіңіз:
Facebook | VK | WhatsApp | Telegram | Twitter